ບັນດາເອກະສານຂອງສາກົນ

ບົດສະຫຼຸບກົດລະຫັດສາກົນດ້ານການຕະຫຼາດຂອງຜະລິດຕະພັນທົດແທນນ້ຳນົມແມ່ ແລະ ການແກ້ໄຂທີ່ກ່ຽວຂ້ອງ ຂອງມະຕິສະພາສຸຂະພາບໂລກ

ເປົ້າໝາຍ

ເພື່ອປະກອບສ່ວນເຂົ້າໃນການສະໜອງໂພຊະນາການທີ່ປອດໄພ ແລະ ພຽງພໍສຳລັບເດັກອ່ອນໂດຍການປົກປ້ອງ ແລະ ສົ່ງເສີມການລ້ຽງລູກດ້ວຍນໍ້ານົມແມ່ ແລະ ການນຳໃຊ້ຜະລິດຕະພັນທົດແທນນົມແມ່ໃຫ້ເໝາະສົມ, ເມື່ອມີຄວາມຈຳເປັນ, ບົນພື້ນຖານຂໍ້ມູນທີ່ພຽງພໍ ແລະ ຜ່ານການຕະຫຼາດ ແລະ ການຈຳໜ່າຍຜະລິດຕະພັນທີ່ເໝາະສົມ.

ເປົ້າໝາຍ

ຜະລິດຕະພັນທົດແທນນົມແມ່*1 ຫຼື ຜະລິດຕະພັນອາຫານທີ່ຈັດຈໍາໜ່າຍ ຫຼື ສະແດງໃຫ້ເຫັນວ່າເປັນອາຫານທົດແທນນົມແມ່ໄດ້ບາງສ່ວນ ຫຼື ທັງໝົດ, ລວມທັງ:

ນົມຜົງສູດເດັກ
ນົມຜົງສູດຕິດຕາມ (ຫຼື ເອີ້ນວ່າສູດຕິດຕາມ ຫຼື ນົມສູດ 2)*
ນົມຜົງສູດສໍາລັບການຈະເລີນເຕີບໂຕ (ຫຼື ເອີ້ນວ່ານົມເດັກນ້ອຍ ຫຼື ນົມສູດ 3)*
ບັນດານົມອື່ນໆທີ່ແນໃສ່ສໍາລັບເດັກນ້ອຍ 0 < 36 ເດືອນ*
ອາຫານ ຫຼື ຂອງແຫຼວອື່ນໆ (ເຊັ່ນ: ອາຫານທັນຍາພືດຊີລິແລັກ,ຊີລ້ຽວ, ອາຫານກະປ໋ອງ, ຊາເດັກ, ນ້ຳໝາກໄມ້ ແລະ ນ້ຳແຮ່ທາດ) ທີ່ລະບຸວ່າສໍາລັບໃຫ້ເດັກອາຍຸຕ່ຳກວ່າຫົກເດືອນ.*
ການໃຫ້ອາຫານຂວດແລະຫົວນົມ.

ການໂຄສະນາ

ບໍ່ໃຫ້ມີການໂຄສະນາ ຫຼື ສົ່ງເສີມບັນດາຜະລິດຕະພັນຂ້າງເທິງຕໍ່ສາທາລະນະ. ບໍ່ໃຫ້ມີການກ່າວອ້າງທາງດ້ານໂພຊະນາການ ຫຼື ສຸຂະພາບກ່ຽວກັບຜະລິດຕະພັນ.* ^ 2

ຕົວຢ່າງທົດລອງໃຊ້

ບໍ່ອະນຸຍາດໃຫ້ແຈກຟຣີຕົວຢ່າງທົດລອງໃຊ້ຂອງຜະລິດຕະພັນດັ່ງກ່າວ ໃຫ້ກັບແມ່, ຄອບຄົວຂອງເຂົາເຈົ້າ ຫຼື ພະນັກງານສາທາລະນະສຸກ.

ສະຖານທີ່ດູແລສຸຂະພາບ

ບໍ່ໃຫ້ມີການສົ່ງເສີມໂຄສະນາຜະລິດຕະພັນທົດແທນນົມແມ່ ເຊັ່ນ: ບໍ່ໃຫ້ມີການສະແດງສິນຄ້າ, ໂປສເຕີ, ປະຕິທິນຫຼື ການແຈກຢາຍວັດຖຸ ຫຼື ອຸປະກອນທີ່ຊ່ອຍສົ່ງເສີມໂຄສະນາຜະລິດຕະພັນທົດແທນນົມແມ່, ບໍ່ໃຫ້ມີພະຍາບານ ຫຼື ພະນັກງານຂອງບໍລິສັດທີ່ຈ້າງມາໂຄສະນາຢູ່ສະຖານທີ່ບໍລິການສຸຂະພາບ.

ພະນັກງານສາທາລະນະສຸກ

ບໍ່ໃຫ້ມອບຂອງຂວັນ ຫຼື ຕົວຢ່າງທົດລອງນຳໃຊ້ໃຫ້ແກ່ພະນັກງານສາທາລະນະສຸກ. ການສະຫນັບສະຫນູນທາງດ້ານການເງິນ ແລະ ແຮງຈູງໃຈເຊິ່ງຈະສ້າງຄວາມຂັດແຍ້ງດ້ານຜົນປະໂຫຍດກັບໜ້າທີ່.^ 3

ການສະໜອງຜະລິດຕະພັນ

ບໍ່ໃຫ້ມີການສະໜອງຜະລິດຕະພັນທົດແທນນ້ຳນົມແມ່ ບໍ່ວ່າຈະເປັນແບບລາຄາຖືກ ຫຼື ມອບໃຫ້ຟຣີ ໃຫ້ກັບພາກສ່ວນໃດນຶ່ງຂອງລະບົບສາທະລະນະສຸກ.^ 4

ຂໍ້ມູນ

ຂໍ້ມູນ ແລະ ອຸປະກອນການໃຫ້ຄວາມຮູ້ຕ້ອງອະທິບາຍເຖິງຜົນປະໂຫຍດຂອງການລ້ຽງລູກດ້ວຍນໍ້ານົມແມ່, ອັນຕະລາຍຕໍ່ສຸຂະພາບທີ່ກ່ຽວຂ້ອງກັບການປ້ອນດ້ວຍຂວດນົມ ແລະ ຄ່າໃຊ້ຈ່າຍທີ່ສູງຈາກການນຳໃຊ້ນົມຜົງສູດເດັກ. ຂໍ້ມູນຜະລິດຕະພັນຕ້ອງຢູ່ພື້ນຖານຄວາມເປັນຈິງ ແລະ ມີວິທະຍາສາດ. ທາງພາກລັດຖະບານເພື່ອຫຼີກເວັ້ນການຂັດແຍ້ງດ້ານຜົນປະໂຫຍດ ດັ່ງນັ້ນອຸປະກອນພາຍໃຕ້ວຽກງານສົ່ງເສີມການລ້ຽງດູເດັກອ່ອນ ແລະ ເດັກນ້ອຍບໍ່ຄວນຈະໄດ້ຮັບການສະຫນັບສະຫນູນຈາກຜູ້ຜະລິດ ແລະຜູ້ຈັດຈໍາໜ່າຍຜະລິດຕະພັນທົດແທນນົມແມ່.^ 5

ສະຫຼາກ

ສະຫຼາກຂອງຜະລິດຕະພັນທົດແທນນົມແມ່ ຕ້ອງບອກຢ່າງຊັດເຈນເຖິງຄວາມດີກວ່າຂອງການລ້ຽງລູກດ້ວຍນໍ້ານົມແມ່, ຄວາມຈຳເປັນທີ່ຕ້ອງໄດ້ຮັບຄໍາແນະນໍາຈາກພະນັກງານສາທາລະນະສຸກ ແລະ ການເຕືອນໄພອັນຕະລາຍຕໍ່ສຸຂະພາບຂອງເດັກຈາກການໃຊ້ຜະລິດຕະພັນ. ບໍ່ໃຫ້ສະຫຼາກມີຮູບພາບຂອງເດັກອ່ອນ ແລະ ເດັກນ້ອຍ, ຮູບພາບອື່ນໆ, ຫຼື ຂໍ້ຄວາມທີ່ສະແດງອອກໃຫ້ເຫັນການນໍາໃຊ້ນົມຜົງສູດສໍາລັບເດັກ. ສະຫຼາກຕ້ອງມີຄຳເຕືອນວ່າ ນົມຜົງສູດອາດມີຈຸລິນຊີທີ່ເປັນເຊື້ອພະຍາດ ແລະຕ້ອງກະກຽມ ແລະ ນຳໃຊ້ໃຫ້ເໝາະສົມ.^ 5 ສະຫຼາກຜະລິດຕະພັນອາຫານເສີມຂອງເດັກ ບໍ່ຄວນໂຄສະນາທັບຊ້ອນຫາຜະລິດຕະພັນນົມຜົງສູດເດັກ, ບໍ່ຄວນສົ່ງເສີມການປ້ອນນົມຜ່ານຂວດນົມ ແລະ ຄວນແຈ້ງບອກເຖິງຄວາມສຳຄັນຂອງການສືບຕໍ່ໃຫ້ນໍ້ານົມແມ່ຢ່າງຕໍ່ເນື່ອງ.^ 6

ຄຸນນະພາບ

ຜະລິດຕະພັນທີ່ບໍ່ເຫມາະສົມ, ເຊັ່ນນົມຂົ້ນຫວານ, ບໍ່ໃຫ້ໂຄສະນາສົ່ງເສີມໃຫ້ເດັກອ່ອນເດັກນ້ອຍກິນ. ຜະລິດຕະພັນທຸກອັນຈະຕ້ອງມີຄຸນນະພາບສູງ (ອີງຕາມມາດຕະຖານ Codex Alimentarius Standards) ແລະຄໍານຶງເຖິງສະພາບອາກາດ ແລະ ການເກັບຮັກສາຂອງປະເທດທີ່ຜະລິດຕະພັນຈະຖືກນໍາໃຊ້.

* ໄດ້ຮັບການຊີ້ແຈງ ແລະ ຂະຫຍາຍໂດຍຄໍາແນະນໍາຂອງອົງການອະນາໄມໂລກ (WHO) ກ່ຽວກັບການຢຸດຕິການສົ່ງເສີມໂຄສະນາທີ່ບໍ່ເຫມາະສົມຂອງຍັນດາຜະລິດຕະພັນອາຫານ ສໍາລັບເດັກອ່ອນ ແລະ ເດັກນ້ອຍ ຄໍາແນະນໍາໃນ WHA Resolution 69.9 [2016].

^ ຂໍ້ກໍານົດຂອງກົດລະຫັດສາກົນດ້ານການຄວບຄຸມການຕະຫຼາດ ຜະລິດຕະພັນທົດແທນນົມແມ່ ໄດ້ຮັບການຊີ້ແຈງ ແລະ ຂະຫຍາຍເນື້ອໃນເພີ່ມ ໂດຍຜ່ານການຮັບຮອງເອົາ ຄຳແນະນຳຫຼາຍສະບັບ ລົງມະຕິໂດຍສະພາສຸຂະພາບໂລກ WHA ໃນປີຕໍ່ໆມາ.

*Clarified and extended by the WHO Guidance on ending the inappropriate promotion of foods for infants and young children Guidance in WHA Resolution 69.9 [2016].

^ Code provisions have been clarified and extended by subsequent World Health Assembly Resolutions.
1 WHA49.15 [1996], WHA54.2 [2001] & WHA63.23 [2010]

2 WHA58.32 [2005] & WHA63.23 [2010]

3 WHA49.15 [1996] & WHA58.32 [2005]

4 WHA47.5 [1994] v. WHA58.32 [2005]

5 WHA58.32 [2005]

6 WHA69.9